domingo, 5 de junio de 2011
Crocodilo. Segunda badalada dunha caída inminente, operación de amígdalas.
Coma Brancaflor
preciso cada pedazo
do meu corpo.
Eu són carne e ósos
chocando nas esquinas
e é a única parte que segue fiel coma un canciño
mollado.
Eu son consciente e pensamento
que traizoeiro vende a lóxica ao mellor postor
maquinaria soviética
cristasol que me envelena na hipocrisía.
Eu son lentamente os tolos
pugnando por saír do cárcere
golpeando o muro coas cabezas de animais
as máscaras e os disfraces de segunda.
Os tolos que me desgarran por dentro a grandes tiras
córrenme nas veas formigas
coma nos sumidoiros de Roma
e cada dedo é unha fonte e un mesías.
Mesías dos segundos
acariño a túa cabeza de can
mollado.
Eu vivo
como ser orgánico
nunha automutilación desexable.
Suscribirse a:
Enviar comentarios (Atom)
No hay comentarios:
Publicar un comentario