Estás aquí.
Dubídao, a realidade material aplástanos
para a nosa tranquilidade.
Fuximos para volver á casa.
Fuximos para saberme túa e saberche meu
mais xa a quilómetros e segundos
atrás e adiante
nos sabemos.
Relambémonos pensando nas feridas.
Relambémonos pensando na pel e no corpo do outro,
no que nos supura.
Estamos enchidos de orgullo.
E eu estou enchida do orgullo de mirarche á cara.
De terche finchado na boca,
da boca da que nunca che saco e és
de sal e de mel
para estas feridas.
Neste mundo cárnico nós escollemos non aburrirnos.
Mátame algún día enriba dunha roseira
cas beiras da boca lixadas de pó.
Estou aí.
No hay comentarios:
Publicar un comentario